1993-imiilli Kalaallit Nunaanni nuna tamakkerlugu peqqissutsimik misissuisarnerit tallimat ingerlanneqarnikuupput. Kalaallit Nunaanni innuttaasut peqqissusiannik misissuisarnerni arlalinni kingulleq 2018-imi ingerlanneqarpoq, aammalu inuusuttut 15-ileereersimasut siullerpaamik misissuinermut ilanngunneqarlutik. 2018-imi Innuttaasut peqqissusiannik misissuinermi inuusuttunut tunngasortaani eqqarsartaatsikkut peqqissuseq sammineqarpoq, naak sammisaqarfik taanna sammineqarnerulersimagaluartoq tamanna pillugu aaqqissuussamik paasissutissanik maannamut katersuisoqarnikuunnginera pissutigalugu.
Siunertaq
Inuusuttut eqqarsartaatsimikkut peqqissusiat aamma peqqissusiat pillugit assigiinngitsutigut paasisaaqarfiginerunissaannut tapertaanissaq nalunaarusiap uuma siunertarivaa. Nalunaarusiaq itisiliiffiuvoq, aamma inuusuttut atugarissaarnerannut aamma eqqarsartaatsimikkut peqqissusiannut pissutaasut ataqatigiinnerillu paasisaqarfiginiassallugit. Inuusuttut 35-it inorlugit ukiullit peqqissutsiminnut tunngatillugu anigorniagassaasa annerpaat ilaat nalunaarusiami nassuiarneqarput.
Periuseq
Nalunaarusiaq 2018-imi Kalaallit Nunaanni Innuttaasut peqqissusiannik misissuinermit kisitsisinik tunngaveqarpoq, paasissutissat apersuinikkut aamma apeqqutinik akisassianik nammineq immersuinikkut kiisalu misissuinikkut katersorneqarlutik. Peroriartornerup inuusuttut akornanni eqqarsartaatsikkut peqqissutsimut aamma peqqissutsimut pingaarutaa, kiisalu inuusuttut peqqissusiannut illersuutinut pissutaasut aamma aarlerinaatinut pissutaasut annertussusiat nalunaarusiami misissorneqarput. Taanna Kalaallit Nunaat tamakkerlugu illoqarfinni aqqanilinni aamma nunaqarfinni arfienq-pingasuni 15-it 34-llu akornanni ukiulinni peqataasunit 620-nit tunngaveqarpoq.
Suliniutip ingerlanneqarfissaatut piffissaliussaq, aamma tamanut saqqummiunneqarnissaanut piffissaliussaasimasinnaasoq
Paasissutissanik katersuineq: 2017-2019, kiisalu 2016-imi piareersaataasumik misissuinermit paasissutissat.
2019-imi tamanut saqqummiunneqarpoq.