Pitsaaliuinermik aamma peqqissutsimik siuarsaalluni suliaqarnermi ataatsimut isiginnilluni suliaqarnissap pingaaruteqassusia ukiuni kingullerni aallunneqaleriartorpoq. Ataatsimut isiginnilluni sulinermi suliassaqarfiit assigiinngitsut akornanni suliat ataqatigiissaakkamik suliarineqarnerat pineqarpoq, aamma innuttaasut ataatsimut isigalugit inuunerminni atugaat aallaavigineqarlutik Islandimi ataatsimut isiginnilluni sulineq annertooq ingerlanneqarnikuuvoq, islandimiut meerartaasa aamma inuusuttortaasa aanngajaarniutinik atuinerannut annertuumik pingaarutilimmik.
Ilaatigut Islandi isumassarsiorfigalugu Qeqqata Kommunia, Paarisa (Kalaallit Nunaanni nuna tamakkerlugu pitsaaliuinermik sullissivik) aamma Innuttaasut Peqqissusiannik Ilisimatusarfik, Statens Institut for Folkesundhedimeersoq, suleqatigiilerput, Qeqqata Kommuniani meeqqat aamma inuusuttut akornanni atugarissaarnerup siuarsarnissaa aamma aanngajaarniutinik atuinerup appartinnissaa siunertaralugu. Sulineq illersuutinut pissutaasut, soorlu Qeqqata Kommuniani sumiiffinni nakooqqutit aamma naleqartitat aallaavigalugit ingerlanneqarpoq. Suliniut taamaalilluni pisarneq malillugu aarlerinaatinut pissutaasut aallullugit nappaatinut tunngasutigut ilisimatusariaatsip akerleralugu.
Taamaalilluni Qeqqata Modeli atorlugu sumiiffimmi nakooqqutinit allaavilimmik suliaqarneq ineriartortinneqarpoq.
Siunertaq
Qeqqata Kommuniani meeqqat amerlanerusut atugarissaarlutik aamma ataatsimoorfinni peqqinnartuni aamma pingaarutilinni peqataalernissaat. Aanngajaarniutinik atuisut ikinnerunissaat, kiisalu Kalaallit Nunaanni akuliuffiginninnikkut ilisimatusarnermi, aamma ilisimatusartut aamma sumiiffimmi inuiaqatigiit pilersitseqatigiinneranni ilisimasanik nutaanik pilersitsisoqassasoq.
Periuseq
Siullertut periutsinik atuinermi suleqatigiinissamut isumaqatigiissut aamma Qeqqata Kommuniani politikkikkut kommunalbestyrelsimit piginnaatitsissut, suleqatigiinnermut taamalu aamma Qeqqata Modelimut tunngaviusut, tunngaviupput. Suleqatigiinni sulinermi periutsinik atuineq pilersitseqatigiilluni aamma peqqissutsimik siuarsaanermi suleqatigiinneq periutsitut atorlugu periuseqarnermik tunngaveqarpoq.
Suliniutip ingerlanneqarfissaatut piffissaliussaq
2020 -2022
Qeqqata Modelimi sulinerup aallartisarnera pillugu nalunaarusiaq 2023-mi ukiakkut saqqummiunneqassaaq.
Suleqatigineqarsimasinnaasut
Qeqqata Modeli Qeqqata Kommunia aamma Paarisa qanimut suleqatigalugit pilersinneqarpoq.