Angajoqqaat meeqqanik sumiginnaasarnerat akiorniarlugu iliuusissatut pilersaarut, Inuuneritta III aamma Ilaqutariit pillugit politikki Naalakkersuisut 2020-mi aallarnisarpaat. Suliniutit taakku ataatsimoorlutik meeqqat- aamma inuusuttut pitsaasumik inuuneqarnissaat sammivigalugu suliassaqarfiit assigiinngitsut akunnerminni annertuumik suleqatigiinnissaannut tunngaviliisuupput.
Inuusaq naalungiarsuusaartillugu suliniut isumassuinikkut sumiginnaaneq pitsaaliorniarlugu, ilaqutariit ikiortariallit atugarissaarnerat siuarsarniarlugu kiisalu inuusuttut akornanni naartulersoortarnerit pitsaaliorniarlugit suliaavoq siusinnerusukkut aamma Inuuneritta II-p (2013-imiit 2019-imut) ingerlanerani suliarineqartoq.
Suliniummut tunuliaqutaasut ilaattut allagaatinik aamma atortussanik, Kalaallit Nunaanni Pitsaaliuinermut Isumaginninnermullu Aqutsisoqarfimmi Paarisameersunik, Kalaallit Nunaanni Inuusaq naalungiarsuusaartillugu suliniummik aallaqqaataniilli peqataasumit, aaqqissuussamik misissuisoqarpoq.
Siunertaq
Inuusaq naalungiarsuusaartillugu suliniummi siunertarineqartoq tassaavoq, kinguaassiuutinut tunngasutigut pitsaaliuillunilu peqqissutsimik siuarsaanissaq, angajoqqaanngorneq aamma ilaqutariinngorneq, kiisalu misigissutsinut tunngasut sammineqarnissaat. Inuusaq naalungiarsuusaartillugu suliniut atorlugu ilaatigut naartunaveersaatinut, naartuersinnermut, kinguaassiuutitigut nappaatinut, inuttut killissanut kiisalu pissusissamisoortumik kinguaassiuutitigut inuuneqarnissamik ilisimasassanik aamma iliuuseqarsinnaanermik inuusuttut tunineqarnissaat kissaatigineqarpoq. Ilinniartitsineq taamaalilluni inuusuttut kinguaassiuutitigut isumaqarluartumik, pissarsiffiusumik aamma akisussaaffilimmik inuuneqarnissamik ineriartortitsinissaannut tapertaassaaq.
Inuusaq naalungiarsuusaartillugu suliniummik nalilersuineq suliap Kalaallit Nunaanni nuna tamakkerlugu qanoq atuutilersinneqarsimaneranik, suliap ingerlaannarnissaanut pissutsit suut pingaaruteqarnersut, kiisalu suliamik tigusinerup qanoq inneranik takutitsivoq. Tassunga ilanngullugu nalilersuinermi misissorneqarpoq, aaqqissuussaanikkut aamma inunnut tunngasutigut isiginninnerit, kiisalu suliami peqqissutsimik siuarsaanertaanut aamma pitsaaliuinertaanut tunngatillugu kulturikkut pingaarutaanut tunngasut.
Periuseq
Allaaserisanik, sammisamut tunngasunik databasini aaqqissuussani PubMed-imi, PsychINFO-mi aamma Scopusimi allaaserisanik, sammisanut tunngasunik, ujarlerluni misissuinermik suliaqartoqarpoq. Tamatuma saniatigut ilinniartitsisunik kiisalu atuartunik aamma angajoqqaanik ataasiakkaanik 20-nik najoqqutaqarluni apersuinerit suliarineqarput.
Suliniutip ingerlanneqarfissaatut piffissaliussaq, aamma tamanut saqqummiunneqarnissaanut piffissaliussaasimasinnaasoq
2020-
Aningaasaleeqataasimasinnaasut
Paarisa