Kalaallit Nunaanni timersorneq aamma peqatigiiffilerineq meeqqat aamma inuusuttut kinaassutsiminnik aamma inooqataanikkut atassuteqarfinnik ineriartortitsineranni ataatsimoorfimmut tunngaviupput. Aalaneq, pinnguarneq aamma peqatigiilluni sammisaqarneq qitiutillugit amerlasuunut ataatsimoorfiulluniluni katersuuffik. Timersornikkut sakkortuumik ataatsimoorfiusumi meeqqat aamma inuusuttut peqatigiinnissartik aamma imminnut ataqqeqatigiinnissartik ilinniartarpaat. Tassani meeqqat ikioqatigiinnissartik aamma ataatsimoorussamik anguniagaqarnissartik ilinniartarpaat. Aamma kukkunerit, akimmisaarutit aamma pakatsinerit akiornissaat ilinniartarpaat - makeqqillutillu.
Kisianni timersorneq meeqqanit amerlanerusunit massakkut pilerigineqanngilaq, siornatigumut sanilliullugu meeqqat ikinnerusut timersortarlutik. Ataatsimoorfinnik peqataatitsiffiusunik, meeqqat allanik peqateqarnissaminnik ineriartuutigisinnaallugulu isumalimmik aamma sapinngitsutut misigisaqarfigisinnaasaannik pisariaqartitsinermi meeqqat pisariaqartitaasa aamma kissaataasa piviusunngortinnissaannut – aamma meeqqanut peqataaneq ajortunut sammisassaqartitsinikkut aamma imarisatigut naleqqussaasinnaasumik – timersornerup amerlasuutigut eqqarsaatigeqqinneqarnissaanik pisariaqartitsiffiuvoq.
Siunertaq
Suliniummi siunertarineqartoq tassaavoq, timersornerup iluani meeqqanut pitsaasumik avatangiiseqartitsinissamik pilersitsinissaq, aamma meeqqat inuusuttullu pitsaasumik ineriartorsinnaanissaannut tunngavissanik qulakkeerinninnissaq. Suliniummi timersornikkut meeqqanik isiginninnerup suliarineratigut, aamma inersimasut meeqqanik suliaqartut inersimasutut isumalluutitut aamma meeqqat pisinnaatitaaffii tunngavigalugit suliaqartutut piukkunnarsarneqarnerisigut suliarineqarpoq – assersuutigalugu sungiusarnermi toqqissisimanartumik avatangiiseqarnissamik pisinnaatitaaffik, nammineq isummersinnaanissamut pisinnaatitaaffik, timersuummik sorlermik timersuuteqassanerluni aalajangernissamut pisinnaatitaaffik, il.il.
Taamaattumik suliniummut siunertarineqartoq pingaarneq tassaavoq:
- Meeqqat pisinnaatitaaffii tunngavigalugit timersornerup iluani meeqqanut toqqissisimanartunik, peqqinnartunik aamma peqataatitsiffiusunik pilersitsinissaq.
- Ataatsimoorluni iliuuseqarneq siunissami meeqqat amerlanerusut timersornermikkut timiminnik aalatitsinerunissaannut, kiisalu timimikkut aamma taamatut eqqarsartaatsimikkut peqqissumik ineriartornissaannut tapertaassaaq.
Periuseq
Suliummik misileraataasumik aallartittoqassaaq, suliniummi suliat kiisalu nalilersuinermi immikkoortunik ineriartortitsisoqarlunilu misileraasoqassalluni.
Tamatuma kingorna suliniummi suliassaq pingaarneq, 2023-miit 2025-mut ingerlasussaq, aallartinneqassaaq. Tamatumani suliniut pingaarnertut suliassanik pingasunik immikkoortoqarpoq:
- Sullinneqartussatut siunnerfigineqartunik toqqarneqartunik suleqatigeeriaatsimik ineriartortitsillunilu naleqqussaaneq
- Peqatigiiffiit aamma kajumissutsiminnik suliaqartut suleqatigalugit meeqqanut aamma inuusuttunut timersornikkut sammisassanik peqataatitsiffiusunik, peqqinnartunik aamma toqqissisimanartunik aallartitsineq
- Meeqqat pisinnaatitaaffii aallaavigalugit timersornerup iluani meeqqanik aamma inuusuttunik kajumissutsiminnik suliaqartut aamma sulisut sulinerminni sulinissaat.
Suliniutip ingerlanneqarfissaatut piffissaliussaq, aamma tamanut saqqummiunneqarnissaanut piffissaliussaasimasinnaasoq
2022-2025.
Inaarutaasumik nalunaarusiaq 2025-mi suliarineqassaaq.
Suleqatigineqarsimasinnaasut
UNICEF Kalaallit Nunaat
Timersoqatigiit Kattuffiat (GIF)
Paarisa
Qeqqata Kommunia
Aningaasaleeqataasimasinnaasut
KNI A/S
GIF
Paarisa
Nordea Fonden